Que é LAREGA

Somos unha consultaría de políticas públicas especializada en economía social. Proporcionamos aos Concellos e entidades un servizo integral que cubra todas as súas necesidades.

Traballamos en estreita colaboración cos nosos clientes para identificar desafíos, analizar datos e propoñer solucións innovadoras que impulsen o crecemento económico e melloren a calidade de vida das persoas.

O noso obxectivo é brindar apoio a institucións e entidades sociais para implementar políticas que fomenten a inclusión social, a igualdade de oportunidades e o benestar da comunidade.

MISIÓN

Busca do benestar social e do desenvolvemento de comunidades mediante políticas públicas innovadoras que se atopen á vangarda no contexto nacional ou internacional poñendo en valor a economía social e a participación cidadá.

VISIÓN

Xerar transformación social, cunha mirada posta na sociedade do futuro, máis equitativa, máis sostible, máis xusta e máis concienciada co medioambiente, en liña coas axendas internacionais do momento, como na actualidade a axenda 2030.

VALORES

Primacía das persoas e do obxecto social, xestión democrática e participativa, innovación social, solidariedade e cooperación, integridade e confidencialidade, responsabilidade social e compromiso coa comunidade, sostibilidade e compromiso co medio ambiente, equidade e xustiza social.

Sobre nós

Somos dúas socias que complementan as súas habilidades e formación para traballar de xeito sinérxico permitíndonos brindar un servizo técnico de alta calidade.

Realizamos a nosa comunicación de xeito efectivo, practicando unha escoita activa para entender e responder ás necesidades dos nosos clientes. Somos un equipo empático e con capacidade de adaptación, mantendo sempre a confidencialidade e ética en todas as nosas interaccións.

Construímos relacións duradeiras e de confianza, e somos hábiles na negociación e resolución de conflitos. Ademais, ofrecemos solucións innovadoras e proactivas, demostrando a nosa competencia e fiabilidade en todo momento.

Xuntas formamos un equipo co que liderar un cambio social no territorio galego.

Celia García Santomé

Natural de Marín, 26 anos. Graduada en Ciencias Políticas e da Administración e Máster en Marketing, Comunicación e Consultaría Política pola USC, obtendo neste último o Premio Extraordinario da Universidade. 

Especializada no deseño e implementación de políticas públicas. A súa capacidade analítica e visión estratéxica permítelle identificar oportunidades de mellora e propoñer solucións innovadoras para promover o desenvolvemento sustentable e a inclusión social.

Unha líder inspiradora que motiva ao seu equipo a acadar os obxectivos plantexados e a traballar de xeito colaborativo para chegar aos resultados ótimos.

Manuel Veiga Caínzos

Natural de Pontedeume, 29 anos. Graduado en Economía e Máster en Goberno Local e Políticas Públicas Innovadoras pola USC.

Especializado en economía social e políticas públicas locais. Destaca polas súas habilidades para establecer alianzas estratéxicas e construir relacións sólidas cos stakeholders clave, converténdose nun socio fundamental para o éxito da nosa consultoría.

A súa creatividade e capacidade para comunicar eficazmente ideas e propostas son esenciais para influír na toma de decisións e xerar un impacto positivo na sociedade.